Språk kan lærast på mange måtar. Morsmålet kjem lett på plass, men eit nytt
framandspråk krev som regel betydeleg innsats. Det går alltid lettare med god motivasjon og når ein kjenner
seg trygg i læresituasjonen.
Listos AS tilbyr språkkurs som vi meinar kan bli skreddarsydde for dei fleste ønske og forutsetningar. Vi vil
prøve å motivere deg og få deg til å senke skuldrane. Like viktig kan det vere at vi prøver å legge kurset til
tidspunkt som passar deg best.
Du har kanskje lagt merke til eit auka tilbod om språkkurs eller leksehjelp
online. Språkkurs og språkhjelp på nett har både fordelar og ulemper. Vi i Listos AS trur at mange har ekstra
stor nytte av den personlege oppfølginga du får frå oss.
Når du finn eit høveleg opplegg i lag med den kursanvarlege meinar vi bestemt at du lettare føler deg meir
forplikta enn når du berre er online. Men også i våre kurs er det naturleg å ta i bruk nettressursar i mange
læringssituasjonar.
Fleire av desse ressursane er gratis. For nokre kursdeltakarar er det viktigast å snakke språket, for andre er
det skrivinga. Ofte er det også slik at det er du sjølv som veit best når og korleis du lærer.
I våre opplegg får du alltid det avgjerande ordet når vi set opp kurset.
